პრემიუმ კატალოგი
ჩვენი მარანი ღიაა სიახლეებისთვის და მუდმივად ვეძებთ აღმოჩენებს. ზუსტად ასე არის ჩვენი პრემიუმ ღვინოები წარმოქმნილი, წარმატებული ექსპერიმენტებით. მზის თვალი ასევე გთავაზობთ 11 წლის დაძველების ჭაჭას.
ოქროსფერი
ჩვენი ოქროსფერი ღვინო არის ქვევრში დაყენებული რქაწითელი, კარდანახული თეთრი მშრალი ღვინო, კალანდაძეების მარნიდან.
მოსავალი დაკრეფილია რთველის მიწურულს, როდესაც ყურძენში შაქრიანობა და ალკოჰოლის წარმოქმნის პოტენციალი მაქსიმალურია. ფერმენტაცია მიმდინარეობს 24-25°C -ზე, რაც საშუალებას აძლევს ველურ საფუარს რომ ღვინო გახადოს არომატული და მრავალფეროვანი. ფერმენტაციის დასრულების შემდეგ ღვინოს ერთი წლით ჭაჭაზე ვავარგებთ, საიდანაც ის იღებს თავის სირბილეს. შემდეგ ვაცლით ჭაჭას, ვფილტრავთ ბუნებრივი ტექნოლოგიით (ღვინის გადასხმა და ლექის მოშორება) და გადაგვაქვს ცისტერნაში, რათა კარგად გაიწმინდოს. აქედან 50% გადაგვაქვს მუხის კასრში, ხოლო მეორე 50%-ს ვაბრუნებთ ისევ ქვევრში, სადაც ვამატებთ წიპწას. ორივეს ვავარგებთ ცალცალკე 3 წლით. ამ დროს ღვინოს საბოლოოდ უყალიბდება ოქროს ფერი და ხანგრძლივი არომატები. ბოლოს ქვევრიდან და მუხის კასრიდან ამოგვაქვს ღვინო და ერთად ვათავსებთ, სადაც ღვინო გადის თავის ბოლო ეტაპს დაბოთლვამდე.
თეთრი მშრალი
ალკოჰოლი: 13,8%
მოცულობა: 750 მლ
წელი: 2018
როზე
ჩვენი როზე არის ქვევრში დაყენებული, კარდანახული ვარდისფერი მშრალი ღვინო, კალანდაძეების მარნიდან.
თავდაპირველად რქაწითელის და მწვანეს წვენს ერთად ცისტერნაში ვათავსებთ. 1 კვირში, როდესაც უკვე გემოები კარგად აქვს ერთმანეთს შერეული გადაგვაქვს ქვევრში, რომელსაც 90%-ით წვენით ვავსებთ, ხოლო 10%-ს საფერავის ჭაჭას ვუმატებთ. აქ ღვინო ფერმენტაციას აგრძელებს და იღებს საფერავის გემოებს და ვარდისფერ შეფერილობას. ქვევრში ჭაჭაზე ვავარგებთ 7 თვის განმავლობაში. შემდეგ ღვინოს ვფილტრავთ ბუნებრივი ტექნოლოგიით (ღვინის გადასხმა და ლექის მოშორება) და ვაცლით ჭაჭას. ღვინოს ვათავსებთ ცისტერნაში ერთი თვით, რათა ფერი გაიწმინდოს და გადავიდეს ატმის ფერში. ბოლოს ვასხამთ ბოთლებში და ვაძველებთ უმცირეს 2 წლით.
ვარდისფერი მშრალი
ალკოჰოლი: 13,5%
მოცულობა: 750 მლ
წელი: 2019
ჭაჭა
ჩვენი ჭაჭა არის ტრადიციულად გამოხდილი საფერავის და რქაწითელის ყურძნებისგან, კალანდაძეების მარანში.
ჭაჭა არის გამოხდილი ორჯერ. შემდეგ 5 წლით დაძველებულია მუხის კასრში, რაც მას განსაკუთრებულ გემოებს და მუქ შეფერილობას სძენს. ბოლოს ბოთლებში ჩამოსხმული და დამატებით კიდევ 6 წელი დაძველებული. ეს ჭაჭა მზის თვალის პირველი შექმნილი პროდუქტია, რომელიც ჩვენი მარანის წლოვანებისაა.
